Libros recomendados

Pequechos das praderías e das sabanas

Mércores, 20 de decembro de 2006 • Comenta este libro

  • A partir dos 4 anos
  • Editorial: Factoría K de libros (2006)
  • Texto: Kingfisher Publications Plc
  • Tradución e adaptación: Xulio Gutierrez e José María Heras
  • ISBN: 84-8464-590-8
  • Prezo: 12,00 €

"Ao nacer son miúdo coma un cacahuete, por iso teño que estar nunha bolsa que ten miña nai na barriga. Despois cando medro un pouco, xa podo saír pero gústame ir dentro para estar quentiño. ¿Sabes que son?"

Neste libro descubrirás, a través de adiviñas, animais asombrosos: elefantes, leóns, suricatos, xirafas… Aprenderás moitas cousas sobre eles e disfrutarás coas fermosas fotografías tanto dos cachorros como das súas nais, que aparecen sempre nas páxinas que solucionan as adiviñas propostas polos pequechos.

O mencionado título pertence a unha colección de Pequechos do deserto, da selva, das montañas, das terras polares ou dos ríos e dos lagos. Temos pois unha visión global da fauna máis miuda dos distintos hábitats do planeta que temos que mimar moito, moito, para que os cachorros humanos poidan admiralo coa diversidade de vida que o caracteriza.

Non hai comentarios

Comenta este libro


© 2006–2007 Salón do Libro Infantil e Xuvenil de Pontevedra